Այսպիսի հայտարարությունը ոչ միայն ոչ ժողովրդավարական է, այլև վտանգավոր. «Քոչարի ազգային վերածնունդ և ազգի զարթոնք»-ը դատապարտում է

«Քոչարի ազգային վերածնունդ և ազգի զարթոնք» կուսակցությունը խորապես դատապարտում է վարչապետ Նիկոլ Փաշինյանի այսօրվա ասուլիսում հնչեցրած հայտարարությունը. «Կառավարությունը ես եմ, և ով համաձայն չէ իմ դիրքորոշման հետ՝ ես նրան կհանեմ»:
Այսպիսի հայտարարությունը ոչ միայն ոչ ժողովրդավարական է, այլև վտանգավոր՝ խախտելով Հայաստանի Սահմանադրությամբ նախատեսված իշխանությունների բաժանման, հաշվետվողականության և հավաքական պատասխանատվության սկզբունքները։ Կառավարությունը մեկ անձ չէ. Սահմանադրությամբ այն բաղկացած է վարչապետից և նախարարներից, որոնք միասին կայացնում են երկրի համար կարևոր որոշումներ։
Եթե վարչապետը ներկայացնում է իրեն որպես կառավարություն, ապա նա բացահայտ հերքում է ժողովրդավարական պրինցիպները և միտում ունի դեպի ավտորիտարիզմ ու բռնապետություն։ ՀՀ քաղաքացիները չեն ընտրել մեկ անձի միանձնյա կառավարման մոդել, նրանք ընտրել են կառավարության, որը ծառայում է քաղաքացուն բաց և հաշվետու ձևով։
«Քոչարի ազգային վերածնունդ և ազգի զարթոնք» կուսակցությունը կոչ է անում հասարակությանը բաց աչքերով գնահատել այս վտանգավոր մոտեցումը և պահանջում է վարչապետից հստակություն ու պատասխանատվություն. Հակառակ դեպքում դա կհանգեցնի երկրի լիակատար միանձնյա կառավարման համակարգի: