Հրազդանում շտապօգնության մեքենայի մասնակցությամբ ավտովթարի հետևանքով տուժածների առողջական վիճակը գնահատվում է կայուն

Օգոստոսի 28-ին Հրազդան քաղաքում շտապօգնության մեքենայի մասնակցությամբ տեղի ունեցած ավտովթարի հետևանքով տուժած 3 քաղաքացիների առողջական վիճակը գնահատվում է կայուն։ Այս մասին այսօր՝ օգոստոսի 29-ին, NEWS.am–ի հետ զրույցում հայտնեցին «Հրազդան» բժշկական կենտրոնից՝ նշելով, որ տուժածները ստացել են համապատասխան բուժօգնություն։

«Կանչը գրանցվել է Ծաղկաձորից, երեխա տեղափոխող Շտապօգնության մեքենան լուսացույցի կարմիր լույսի տակ վթարի է ենթարկվել։ Տեղեկությունը, թե վարորդը եղել է ոչ սթափ վիճակում, չի համապատասխանում իրականությանը»,- հայտնեցին կենտրոնից։

Ավելի վաղ հայտնել էինք, որ Հրազդան քաղաքի Զորավար Անդրանիկի փողոցում բախվել են հիվանդ տեղափոխող Շտապօգնության մեքենան եւ «Toyota Alphard» մակնիշի ավտոմեքենան։ Վթարի հետևանքով 3 հոգի մարմնական վնասվածքներով տեղափոխվել են «Հրազդան» բժշկական կենտրոն։