Կիրանցի դպրոց այս տարի շուրջ 50 աշակերտ կհաճախի, սակայն բնակիչները մտահոգ են․ սպասում են հնարավոր էսկալացիայի
Այս տարի մոտ 50 աշակերտ կհաճախի Տավուշի սահմանամերձ Կիրանց համայնքի դպրոց։ Նրանց թվում կան նաև առաջին դասարանցիներ։ Այս մասին «Փաստինֆո»-ին հայտնեց Աճարկուտ համայնքի ավագանու նախկին անդամ Կարեն Ղազարյանը։
Նրա խոսքերով՝ առաջին իսկ հնարավորության դեպքում բնակիչները երեխաներին կտանեն այլ դպրոց, սակայն հնարավորություն չունեն։ «Հնարավորության դեպքում բոլորը կփորձեն երեխաներին տեղափոխել այլ դպրոց, բայց մարդիկ տրանսպորտի լուրջ խնդիր ունեն և չեն կարողանում դա կազմակերպել», – նշեց Կարեն Ղազարյանը։
Հատկապես վերջին զարգացումների ֆոնին Կիրանցի բնակիչները ապրում են մշտական անհանգստությամբ և ամեն պահի սպասում են հնարավոր էսկալացիայի կամ հարձակման։
«Հատկապես վերջին զարգացումների հետևանքով մարդիկ շատ անհանգիստ են ու ամեն րոպեի սպասում են որ կլինի էսկալացի կամ հարձակում», – ընդգծեց Ղազարյանը։
Հիշեցնենք, որ Կիրանցի դպրոցը, նախատեսված է 100 աշակերտի համար։ 2024 թվականի սահմանազատումից հետո պարզ է դարձել, որ հենց այս դպրոցն է ադրբեջանական սահմանին ամենամոտ շինությունը։
Հետևեք մեզ Viber-ում
