Սա Ադրբեջանի Հանրապետության ՀԵՐՈՍ է. Արգամ Պողոսյան

Արգամ Պողոսյանը գրում է. ՀԵՐՈՍԸ

Տարբեր մարդիկ սրան տարբեր կերպ են բնութագրում՝ սկսած ազգի փրկչից, վերջացրած ազգի դավաճանով: Ես, անձամբ, ինձ համար մեկընդմիշտ արձանագրել եմ՝ սա ՀԵՐՈՍ Է:

Անվերապահորեն ընդունում եմ, որ սա պրոֆեսիոնալ պատրաստություն անցած, սառը և հավասարակշռված դատողությամբ ՀԵՐՈՍ գործիչ է, բայց մի լրացուցիչ ճշգրտմամբ՝ Ադրբեջանի Հանրապետության ՀԵՐՈՍ !
Ադրբեջանի 100-ամյա պատմության ընթացքում չի եղել Ադրբեջանի շահերն այսպես փրփուրը բերանին և ատամներով պաշտպանող գործիչ՝ ոչ ադրբեջանցի և ոչ էլ նամանավանդ՝ այլազգի…սա արդեն տալիս անցնում է թե՛ հայր ու որդի Ալիևներին, թե՛ երկու Բաղիրովներին և թե՛ Նարիմանովին : Այդ երկիրը սրան իրապես կարող է շնորհել «Ադրբեջանի ազգային հերոս» կոչում և պարգևատրել բարձրագույն՝ «Հ. Ալիեվի շքանշանով»՝ պաշտոնապես դասելով սրան իր էթնոսի լավագույն զավակների հետ նույն շարքում: Դա ոչ միայն կլինի սրա գործունեության ամենաարդարացի գնահատականը, այլև այս երկրագնդի վրա երբևէ շնորհված «Ազգային հերոս» կոչումի ամենաարժանի դեպքերից մեկը:

Սա հանուն Ադրբեջանի պատրաստ է ամեն ինչի, սա հաճույքից հալվելով Ադրբեջանին է նվիրել Արցախն ու անսպառ եռանդով լծվել է նույնը Հայաստանի հետ անելու գործին: Սա պատրաստ է իր իշխանության երաշխավորին՝ Իլհամին Հեյդարիչին նվիրել ամենքին ու ամեն ինչ՝ ընդհուպ… ինքներդ ձևակերպեք :

Արցախի հանձնելը մարսած մի քանի երկրների գործակալը, հանձնարարությունը գերազանց կատարածի երջանիկ ժպիտը դեմքին Հայ ազգին բացատրում է Արցախի հանձնումից արդեն իսկ քաղած և Հայաստանի հանձնումից սպասվելիք օգուտները, ու մի կերպ է զսպում «կեցցե՛ հայ-թյուրքական եղբայրությունը, burada gelecek var» գոռալու իր անհագ ցանկությունը…դեմքից էլ կաթում է, որ գոհ է՝ անչա՜փ գոհ, մի 4-5 միլիարդ դոլարանոց գոհունակություն է:

Կարճ ասած, սա ՀԵՐՈՍԱԿԱՆ սառնասրտությամբ վերջնականապես թաղում է Հայաստանի Հանրապետությունը, որն ընթացքի մեջ է: Սրա գործուն ջանքերի շնորհիվ Պետությունը վաղուց արդեն կազմալուծված, կաթվածահար վիճակում է: Կազմալուծված չլիներ, այդ պետության ԱԱԾ-ն սրան, որպես Ազգի, Պետության և Հայրենիքի դավաճանի, նվազագույնը մի քանի անգամ պետք է ուղիղ եթերում ձերբակալած և մեկուսարան տեղափոխած լիներ՝ կամ 20թ. նոյեմբերին, կամ 22թ. Հոկտեմբերին՝ Պրահայից վերադառնալիս, կամ 23թ. սեպտեմբերին՝ Արցախի հայաթափման օրերին և կամ բոլորովին վերջերս՝ Վաշինգտոնից վերադառնալիս:

Սրանից 8-10 տարի առաջ մեկն ասեր, որ գալու է ժամանակ և Հայաստանի դե յուրե ղեկավարը գոհ ու երջանիկ դեմքով կհպարտանա Արցախի հանձնմամբ և ադրբեջանցիների հետ սպասվելիք եղբայրության հաստատմամբ, այդ մեկին գժի տեղ կդնեին և միգուցե հոգեբուժարան տեղափոխեին: Իսկ հիմա…հիմա ով հանդգնի զարմանալ կամ չհամաձայնվել սույն ՀԵՐՈՍԻ ասածների հետ՝ նույն պահից կհայտարարվի «կոռումպացված նախկին», որին պետք է ոչ թե հոգեբուժարան տանել, այլ պետք է անհապաղ ձերբակալել և դատել:

Այս սրբապիղծը հարկի-անհարկի շահարկելով Աստծո անունը, շա՜տ վաղուց իր հոգին ծախել է սատանային և հիմա գտնվելով նրա ուղիղ ենթակայության ներքո անում է այն ամենը, ինչ նա է թելադրում՝ ամենաուղիղ կերպով:

Սրան, որպես աղբ հայ ժողովրդի պատմության աղբանոց նետելը մեծագույն վիրավորանք կլինի այդ աղբանոցի հանդեպ:

Հետագայում, երբ վերականգնվի Հայոց պետականությունը, ուղնուծուծով հակահայ, Ադրբեջանի սույն ՀԵՐՈՍԻ արդի պահվածքի մասին հայկական տիրույթում չպետք է ընդհանրապես խոսել, սրա անուն ազգանունը հետագայում ընդհանրապես չպետք է արտաբերել և որևէ տեղ գրել…սրան պետք է պարզապես ջնջել Հայ ազգի պատմության տարեգրությունից և պարզապես մոռանալ՝ այնպես, կարծես չի եղել ընդհանրապես։

Դա հետագայում, իսկ հիմա…հիմա պետք է ամեն գնով վիժեցնել Ադրբեջանի Հանրապետության ՀԵՐՈՍԻ «փառահեղ» գործունեության վերջին արարը: Հիմա, պետք է նախ և առաջ Հայաստանը ազատագրվի թուրք-ադրբեջանական գերությունից, որում հայտնվել է սխալմունքի հետևանքով լույս աշխարհ եկած այս կեղտոտ սրիկայի՝ Ադրբեջանի Հանրապետության այս ՀԵՐՈՍԻ «հերոսական ջանքերի» արդյունքում:

Հայ ազգը դատապարտված է անել դա՝ որպես առաջին քայլ նսեմացված ազգային արժանապատվության և կորսված պետականության վերականգնման, հակառակ պարագայում, պետության կորստին անխուսափելիորեն կհետևի նաև ինքնության կորուստը»: