ԱՄՆ-ն ավիառումբեր կուղարկի Թուրքիա

Պենտագոնը 683 մլն դոլարի պայմանագիր է կնքել ամերիկյան երկու ընկերությունների հետ` կառավարվող BLU-109 ավիառումբեր ստեղծելու և դրանք Թուրքիայի զինված ուժերին մատակարարելու նպատակով: Այդ մասին հաղորդում է Defence News-ը: «Պենտագոնը 682.9 մլն դոլարի պայմանագիր է ստորագրել, Թուրքիա չնշված քանակությամբ կառավարվող ավիառումբեր մատակարարելու համար: Համաձայնագիրը կնքված է ժամանակին, քանի որ մենք ակտիվ մասնակցություն ենք ունենում ասիմետրիկ մարտական գործողություններում և կառավարվող ռումբերի կարիք ունենք»,- ասել է Թուրքիայի պաշտպանության նախարարության ներկայացուցիչը: Հակաբունկերային BLU-109 ռումբերի և նրանց բաղադրիչների վաճառքի համար պայմանագիր է կնքել ամերիկյան Ellwood National Forge և General Dynamics Ordnance and Tactical Systems ընկերությունների հետ: