Նիկոլ Փաշինյա՛ն, դե հիմա ուշադիր լսիր․ Իշխան Սաղաթելյան (video)

Մեր համար Արցախյան շարժումը և Արցախի էջը փակված չէ, այս հարցերը շարունակում են մնալ մեր օրակարգում և պայքարը շարունակվում է: Այս մասին ՀՅԴ անդամ Արթուր Խաչատրյանի «Արցախյան բանակցությունները» երկհատորյակի շնորհանդեսի ժամանակ ասաց ՀՅԴ Հայաստանի Գերագույն մարմնի ներկայացուցիչ, ՀՀ ԱԺ «Հայաստան» խմբակցության պատգամավոր Իշխան Սաղաթելյանը:

Նշենք, որ տեղի է ունենում «Արցախյան բանակցությունները» երկհատորյակի շնորհանդեսը։ Հեղինակը ԱԺ «Հայաստան» խմբակցության պատգամավոր, ՀՅԴ անդամ Արթուր Խաչատրյանն է։ Երկհատորյակում վերլուծության են ենթարկվել Արցախի հիմնահարցի կարգավորման շուրջ ընթացած քաղաքական բանակցությունները՝ դրանց պատմությունը, ընդունված որոշումները, ինչպես նաև ներկայացված կարգավորման տարբեր առաջարկները։ Աշխատությունն ընդգրկում է նաև համեմատական ակնարկներ այլ միջազգային հակամարտությունների կարգավորման փորձերից, ինչպես նաև դեպքեր ու իրադարձություններ, որոնք, թեև անմիջականորեն բանակցային գործընթացի մաս չեն կազմել, սակայն էական ազդեցություն են ունեցել դրա ընթացքի վրա։ Աշխատության առաջին հատորում ներկայացված է Արցախյան շարժամ ձևավորման ու Արցախի Հանրապետության կայացման փուլը, Արցախյան հակամարտության կարգավորման նախնական տարբերակները, ԵԱՀԿ-ի՝ որպես բանակցային հիմնական հարթակի ձևավորումը, ՄԱԿ ԱԽ բանաձևերը և հակամարտության կարգավորման ՔԻ Վեսթում քննարկված տարբերակը։

Երկրորդ հատորն ընդգրկում է 2002 – 2020 թթ. բանակցային գործընթացը։

Մանրամասն անդրադարձ է կատարվել Հիմնարար (Մադրիդյան) սկզբունքների, նորացված Մադրիդյան սկզբունքների, Կազանի փաստաթղթի, «Լավրովի պլան»-ի շուրջ ընթացող բանակցություններին, ինչպես նաև բանակցությունների տապալմանը։

Գիրքը նախատեսված է դիվանագետների, միջազգայնագետների, քաղաքական գործիչների, լրագրողների, ինչպես նաև Արցախի բանակցային գործընթացով հետաքրքրված բոլոր անձանց համար։ Միջոցառումը բաց է բոլոր ցանկացողների համար։ 

Մանրամասները՝ տեսանյութում․