Ադրբեջանցին սպանել է բնակարանի տիրոջը
Ադրբեջանի քաղաքացին մորթել է իրեն վարձով բնակարան տված պետերբուրգցուն եւ «Ալլահ աքբար» գոչելով հանձնվել ոստիկանությանը: Ըստ «Ֆոնտանկա»-ի, դեպքը տեղի է ունեցել մարտի 1-ի առավոտյան, Սանկտ Պետերբուրգում: Մարդասպանն իր արարքը բացատրել է տանտիրոջ պնդերեսությամբ, որն ալկոհոլի ազդեցության տակ եկել է բնակարան եւ գումար պահանջել՝ չհետեւելով վճարման գրաֆիկին: Բնակարանի խուզարկության ընթացքում իրավապահները վարձակալողի անձնական իրերում ռուսական իշխանությունների, մասնավորապես՝ Ռուսաստանի նախագահ Վլադիմիր Պուտինի եւ Կրեմի աշխատակազմի մասին քննադատական գրառումներ են հայտնաբերել: Իրավապահները դրանք «խելագարի գրառումներ» են բնութագրել եւ ադրբեջանցուն հոգեբուժական փորձաքննության ուղարկել: Սպանության փաստով քրեական գործ է հարուցվել:
Հետևեք մեզ Viber-ում
