Իրանը անօդաչուներ է ուղարկել Սիրիա

Ամերիկյան Foreign Policy պարբերականի փոխանցմամբ՝ Իրանին կարելի է հավելել այն երկրների թվում, որոնք օգտագործում են և ունեն ռազմական անօդաչու թռչող սարքեր (ԱԹՍ), որոնք ունակ են թիրախներին հարվածել հրթիռներով։ Փետրվարի սկզբին Իրանի Իսլամական հեղափոխության պահակազորը հրապարակել էր «Շահեդ» («Մարտիրոս») անօդաչու թռչող սարքի կադրերը, որոնք օգտագործվել են Պակիստանի ու Աֆղանստանի հետ երկրի սահմաններին մոնիթորինգ իրականացնելու համար։ Ռազմական վերլուծաբան Գալեն Ռայթի խոսքերով՝ տեսանյութում երևում է, որ Իրանը ԱԹՍ-երն օգտագործել է նաև Սիրիայում՝ Հալեպ ու Իդլիբ քաղաքների միջև ընկած տարածաշրջանում։ ԱԹՍ-ն այնտեղ ռմբակոծում է մի խումբ մարդկանց։ Ռայթը հայտարարել է, որ ԱԹՍ-ը կիրառվել է նաև Դամասկոսում։ Նա վստահություն է հայտնել, որ իրանցիներն առաջին անգամ են այդ զենքը կիրառում սիրիական պատերազմում։ Նրա խոսքերով՝ ԱԹՍ-ը կարող է օդում գտնվել 24 ժամ և իր վրա կրել մինչև 8 հրթիռ։