Վենետիկում կայացել է «դարի հարսանիքը»․ լուսանկարներ

Մոլորակի ամենահարուստ մարդկանցից մեկը՝ «Amazon»-ի հիմնադիր Ջեֆ Բեզոսը, ուրբաթ՝ հունիսի 27-ին, Վենետիկում շքեղ հարսանիք է կազմակերպել հեռուստահաղորդավարուհի Լորեն Սանչեսի հետ։

Եռօրյա միջոցառմանը ներկա են եղել բարձրակարգ աստղեր՝ դերասաններ, թագավորական ընտանիքների անդամներ, ռեալիթի շոուի աստղեր և այլք։ Հյուրերի թվում էին Օփրա Ուինֆրին, Օռլանդո Բլումը, Քայլի Ջենները, Քիմ Քարդաշյանը և Իվանկա Թրամփը։

Տոնակատարությունը ավարտվել է շաբաթ՝ հունիսի 28-ին, նորապսակների և նրանց հյուրերի համար կազմակերպված երեկույթով։

Հարսանիքին հրավիրվել է մոտ 200 մարդ, այդ թվում՝ ընտանիքի 70 անդամ։ Արարողությունը տեղի է ունեցել ուրբաթ օրը Սան Ջորջո փոքրիկ կղզում։