Սերժ Սարգսյանը Վիգեն Սարգսյանի ձեռքով ազատվում է իր կադրերից
7Հ պաշտպանության փոխնախարար Արտակ Զաքարյանը Ազգային ժողովում լրագրողների հետ զրույցում չհերքեց՝ ՀՀ զինված ուժերի գլխավոր շտաբի պետի տեղակալ, գեներալ-լեյտենանտ +6
ն ազատվել է զբաղեցրած պաշտոնից: «Կլինի նախագահի հրամանագիր, կիմանաք»,- ասաց Պաշտպանության փ
ո
խնախարարն՝ առանց լրացուցիչ մանրամասներ հայտնելու:
Նշենք, որ մի քանի օր է լուրեր են շրջանառվում՝ ՀՀ պաշտպանության նախարարության ղեկավարությունը որոշում է կայացրել զբաղեցրած պաշտոնից ազատել ՀՀ ԶՈւ Գլխավոր շտաբի պետի տեղակալ, գեներալ-լեյտենանտ Հայկազ Բաղմանյանին։ Նման լուրեր տարածվեցին նաև սեպտեմբերին, բայց Բաղմանյանը մնաց տեղում՝ ասելով, որ հարմար չեն գտել իրեն ազատել: Մոտ մեկ ամիս առաջ էլ ՀՀ զինված ուժերի գլխավոր շտաբի պետի տեղակալ Հայկազ Բաղմանյանի հաստիքի կրճատման վերաբերյալ հարցին, Վիգեն Սարգսյանն ասել էր. « Հայկազ Բաղմանյանը ԳՇ պետի տեղակալն է, երկար ճանապարհ անցած սպա, որը կատարում է իր գործառույթները: Որեւէ կադրային նշանակումներ, ազատումներ նախապես մեր մոտ երբեք չեն քննարկվում, չեն մեկնաբանվում»: Հայկազ Բաղմանյանը այն գեներալներից է, որոնք դասվում է են «ասֆալտի գեներալներ» շարքին։ Բանակի բարձրաստիճան պաշտոնյայի ահռելի կարողությունը լուրջ հիմքեր է տալիս կասկածելու, որ բանակին հատկացվող գումարները երկար տարիներ հոսել են ոչ թե երկրի պաշտպանության բարձրացման, զինվորների պահպանության գործին, այլ որոշ գեներալների սեփական գրպան, որոնցից մեկն էլ Բաղմանյանն է։
Նա մի շարք ռեստորաններ ունի ու տարատեսակ բիզնեսներ՝ սկսած զորմասերի թեյարաններից, մինչև բիլիարդանոցներ ու խեցգետին արտահանում:Մեր տեղեկություններով նա անծայրածիր կալվածքներ ունի նաեւ Վայոց Ձորի մարզում ու ոչ մեկի մտքով չի կարող անցնել հակաճառել բանակի գեներալի ցանկությունը ուրիշների սեփականությունը յուրացնելու վերաբերյալ։ Մամուլում բազմիցս են հրապարակումներ եղել այն մասին, որ Բաղմանյանը համարվում է բանակի ամենահարուստ բարձրաստիճան չինովնիկը:
Անգամ ապրիլյան պատերազմից հետո, երբ ռազմաճակատում դեռ մարտեր էին ընթանում ու մարդիկ զոհվում, մամուլում գրվեց, որ բանակին տրվող օգնության անվան տակ Բաղմանյանի շքախումբը իր հետ սրբել-տարել է դեպի Արցախ ձգվող ճանապարհի վրա գտնվող մանր կրպակների ապրանքները։ Գեղարքունիքի մարզի մի շարք համայնքների բնակիչներ այս գեներալի գործողությունների դեմ հաճախ է ստիպված լինում ճանապարհ փակել ու պահանջել, որպեսզի չխոչընդոտի իրենց ապրուստին, որը խեցգետնի արտադրությունից ու արտահանումից են ստանում: Ըստ շրջանառվող լուրերի` ապրիլյան քառօրյա պատերազմից հետո ՌԴ-ում բնակվող մի քանի հայերի կողմից ԼՂՀ պաշտպանության բանակին նվեր ուղարկված 8 հատ ՈՒԱԶ մեքենաներն անհետացել են: Այս պատմության մեջ կրկին հոլովվում էր ՀՀ Զինված ուժերի գլխավոր շտաբի պետի տեղակալ, գեներալ-լեյտենանտ Հայկազ Բաղմանյանի անունը:
Նրա անունն էր շրջանառվում նաեւ ազատամարտիկներ Ռազմիկ Պետրոսյանին, Մանվել Եղիազարյանին ծեծի ենթարկելու գործով։ Բանակի մատակարարումների ոլորտում կոռուպցիոն ներգրավվածության մասին պատմություններում միշտ էլ հոլովվել են տարբեր բարձրաստիճան սպաների ու գեներալների անուններ: Այդ վարկանիշային աղյուսակում պատվավոր տեղերից մեկն, անշուշտ, բաժին է հասնում Հայկազ Բաղմանյանին: Նման մեղադրանքների վերաբերյալ հարցին Բաղմանյանը մի առիթով պատասխանեց․«Ով տալիս է անուններ, նրան պետք է հարցնեք: Ես տեղյակ չեմ, քանի որ մամուլի հրապարակումներին չեմ հետևում, ես տեղյակ չեմ, ի՞նչ է՝ նոր բաներ կա՞ն»: Դիտարկմանը, թե պահանջում են նաև իրեն պատասխանատվության կանչել, քանի որ հսկայական ունեցվածքի է տիրապետում, Բաղմանյանը արձագանքում է. «Իմ անունը նոր չի հնչում, 1994 թվականից հնչում ա, այնպես որ՝ հիմա չի, որ հնչում ա»։Բաղմանյանը կարծես դժգոհություն էր հայտնել օրենքի պաշտպաններից, որ տարիներ շարունակ նրանք մատը մատին չեն խփել: Այդքան ժամանակ մարդիկ ահազանգել են, կոնկրետ անուն են հնչեցրել, իսկ իրավապահները ոչ մի անգամ հետաքննություն չեն իրականացրել ու չեն պատժել բանակը թալանող Բաղմանյանին։ Հիմա կարող ենք ասել, շատ մի նեղվիր, ցանկությունդ ի կատար։ Մի խոսքով՝ մամուլում եղել են բազմաթիվ հրապարակումներ, բայց դրանցից հետո ոչինչ տեղի չի ունեցել, գեներալի գործերն ավելի են լավացել, բիզնեսը` ծաղկել: Բանակի հրամանատարի «Ջիպը» գրեթե ամեն օր կարելի է տեսնել Երեւանի տարբեր սրճարանների, ռեստորանների մերձակայքում, փողոցներում, սեփական բենզալցակայանի մոտ: Այս ամենին զուգահեռ նա հասցնում է ղեկավարել ՀՀ զինված ուժերի Բանակային կորպուսներից մեկը: Վերջերս էլ մի գործարար հայտարարեց, որ իրենից Բաղմանյանը բիզնես է խլում։ Ու հիմա, երբ կարծես թե չեն հերքվում նրա պաշտոնանկության լուրերը, կարելի է փաստել, որ բանակի յոթգլխանի վիշապներից մեկի գլուխը թռցվում է, տարոսը մյուսներին։
Հետևեք մեզ Viber-ում
