ՌԴ եթերում հայերի դեմ կարծիքներ կան, որովհետեւ դրանք ռեզոնանսային են. Նադեժդին
rusarminfo.ru-ն հայտնում է,որ ՀՀ եւ ԵՄ միջեւ նոր համաձայնագրի ստորագրումից հետո ռուսական հեռուստաալիքները եթեր են հեռարձակել մի քանի թոք շոուներ`քննարկելով փաստաթուղթը: «Մեզ մոտ՝ Ռուսաստանում, ցավոք շատերը դեռ չեն հասկացել, որ Խորհրդային Միությունը փլուզվել է եւ նախկին խորհրդային երկրներին չեն կարող վերաբերել ինչպես սեփական տարածքի, այնտեղ ցուցումներ տալ: Ես Հայաստանն ընկալում եմ որպես սուվերեն երկիր, որը սերտ քաղաքական, տնտեսաական եւ ռազմական կապեր ունի Ռուսաստանի հետ: Դա առանձին երկիր է եւ Մոսկվայից Երեւանին ինչ-որ բան թելադրելու փորձերը հիմարություն են:Հայերին տհաճ է լսել Մոսկվայի որոշ հայտարարություններ, սակայն մենք նույնպես սուվերեն երկիր ենք, որտեղ մարդիկ իրավունք ունեն ազատ արտահայտվել:Հետեւաբար պետք է հիշել` ռուսական հեռուստատեսությունը կարող է հարթակ տալ այնպիսի խոսնակների, որոնց կարծիքները դուր չեն գա հայ ժողովրդին:Բայց ռուսական հեռուստատեսությամբ ելույթ ունեցող անձինք չեն ներկայացնում Կրեմլի պաշտոնական տեսակետը: Ես երբեք նման հայտարարություններ չեմ լսել պաշտոնական դեմքերից: Վլադիմիր Պուտինի կամ Դմիտրի Պեսկովի շուրթերից երբեք սպառնալիք կամ մեղադրանք չի հնչել Հայաստանի հասցեին ԵՄ հետ համաձայնագիրը ստորագրելու համար: Կան խոսնակներ, որոնք փորձում են լարել իրավիճակը:Ռուսական հեռուստաալիքների եթերում այդ փորձագետները ոչ միանշանակ հայտարարություններ են անում հենց որովհետեւ հայ հասարակության մեջ դա մեծ ռեզոնանս է առաջացնում»,- ասում է Տարածաշրջանային նախագծերի եւ օրենսդրության ինստիտուտի նախագահ Բորիս Նադեժդինը:
Հետևեք մեզ Viber-ում
