ԱՄՆ-ում տասնյակ հազարավոր մարդիկ  շարունակում են բողոքի ակցիաները Թրամփի դեմ

Ամերիկյան մի շարք քաղաքներում տասնյակ հազարավոր քաղաքացիներ դուրս են եկել բողոքի ցույցերի նախագահ Դոնալդ Թրամփի քաղաքականության դեմ, փոխանցում են ամերիկյան լրատվամիջոցները։ Ցույցերն անցկացվել են միաժամանակ մի քանի նահանգներում՝ ներառյալ Նյու Յորքը, Վաշինգտոնը, Չիկագոն, Սիեթլը և Լոս Անջելեսը։

Տեսանյութերում կարելի է տեսնել բազմահազարանոց երթեր, պաստառներ և կոչեր, որոնցում ցուցարարները դատապարտում են Թրամփի քաղաքական ուղեգիծը, ինչպես նաև վերջին օրերի հայտարարությունները։ Բողոքի ակցիաների մասնակիցները կոչ են արել պաշտպանել ժողովրդավարությունը, խոսքի ազատությունը և պայքարել ծայրահեղական դրսևորումների դեմ։