Ավտովթար՝ Կոտայքի մարզում․ Եղվարդի կամրջի հարևանությամբ բախվել են Nissan-ը և Mazda-ն

Այսօր՝ հունիսի 15-ին, ավտովթար է տեղի ունեցել Երևանում։ Ժամը 16։00-ի սահմաններում Եղվարդից դեպի Նոր Գեղի տանող ավտոճանապարհին, ժողովրդին հայտնի Եղվարդի կամրջի հարևանությամբ բախվել են Երևանի բնակիչ 42-ամյա Կարեն Մ․-ի վարած «Nissan» մակնիշի և Կոտայքի մարզի բնակիչ 23-ամյա Արտուր Դ․-ի վարած «Mazda» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։

Դեպքի վայր են ժամանել ՀՀ Ներքին գործերի նախարարության ոստիկանության պարեկային ծառայության Կոտայքի մարզի գումարտակի 2-րդ վաշտի 2-րդ դասակի պարեկները՝ գումարտակի հրամանատար Լևոն Բադալյանի, գումարտակի հրամանատարի տեղակալ Վահագն Կարապետյանի, գումարտակի ծառայության ավագ տեսուչ, օրվա պատասխանատու Արտակ Ասատրյանի և վաշտի հրամանատար Դավիթ Հովհաննիսյանի գլխավորությամբ։

Տարածքը սահմանազատել են նույն վաշտի պարեկներ Կամո Մկրտչյանը և Գարեգին Հակոբյանը։

Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։

Առավել մանրամասն՝ սկզբնաղբյուր կայքում։