Շենգավիթի նախկին թաղապետ Ռազմիկ Մկրտչյանը կալանավորվել է

Շենգավիթ վարչական շրջանի արդեն նախկին ղեկավար Ռազմիկ Մկրտչյանը երկու ամսով կալանավորվել է:

Factor.am-ի տեղեկությունների համաձայն` Մկրտչյանը ձերբակալվել է այսօր առավոտյան Շենգավիթի տարածքային կառավարման խորհրդի նախագահ Տիգրան Մակարյանին ծեծի ենթարկելու և նրա ազատությունը սահմանափակելու համար:

Մկրտչյանը ևս խորհրդի կազմում է:

Լրատվամիջոցի տեղեկություններով` Մակարյանը քննադատել է Մկրտչյանի աշխատանքային գործունեությունը, առաջարկել է ՔՊ նիստին քննարկման առարկա դարձնել նրա աշխատանքը, ինչը դուր չի եկել Մկրտչյանին:

Նշենք, որ 4 օր առաջ Ռազմիկ Մկրտչյանը Ֆեյսբուքում գրել էր, որ որոշել է թողնել վարչական շրջանի ղեկավարի պաշտոնը:

Մանրամասները՝ սկզբնաղբյուր կայքում.