Օրենքը խախտելու համար Սալոմե Զուրաբիշվիլին տուգանվել է

Վրաստանի հինգերորդ նախագահ Սալոմե Զուրաբիշվիլին տուգանվել է 5000 լարիի չափով։ Այս մասին գրում է aliq.ge-ն։

«Ես այսօր մկրտվեցի որպես ակտիվիստ։ Եվ ես կանգնեցի այնտեղ, որտեղ պետք է կանգնեին բոլոր մայրերը՝ քաղբանտարկյալների մայրերի կողքին», -գրել է Սալոմե Զուրաբիշվիլին Ֆեյսբուքում։

Նա սոցցանցերում տեղադրել է կտրոնի լուսանկարը, ըստ որի` ինքը տուգանվել է 5000 լարիի չափով՝ 2025 թվականի մարտի 3-ին Ռուսթավելիի պողոտայում «Հավաքների և երթերի մասին» օրենքը խախտելու համար։