Լոս Անջելեսում ավելի քան 200 մարդ է ձերբակալվել

Երեքշաբթի երեկոյան Լոս Անջելեսի կենտրոնի որոշ հատվածներում պարետային ժամ էր սահմանվել, սակայն ամբոխի մեծ մասը լքել է տարածքը իրավապահ մարմինների ժամանումից հետո, X սոցիալական ցանցում հայտնել են Լոս Անջելեսի ոստիկանության դեպարտամենտից։

Լոս Անջելեսի երկու ոստիկան վիրավորվել են, որոնց բուժօգնություն է ցուցաբերվել, հայտնել է գերատեսչությունը՝ հավելելով, որ ամբոխի վերահսկման ջանքերի ընթացքում «մի քանի, նվազ մահաբեր զինամթերք է կիրառվել»։

Լոս Անջելեսի ոստիկանության տվյալներով՝ երեքշաբթի և չորեքշաբթի օրերին ձերբակալվել է ավելի քան 200 մարդ։ Դրանց թվում են՝

203 ձերբակալված՝ չցրվելու համար

17 ձերբակալված՝ պարետային ժամի խախտման համար

3 ձերբակալված՝ հրազեն պահելու համար:

Ոստիկանի վրա մահաբեր զենքով հարձակման մեղադրանքով ձերբակալվել է 1 անձ:

Լոս Անջելեսի ոստիկանության դիվիզիոնի վրա լազերային կրակոցներ արձակելու մեղադրանքով ձերբակալվել է ևս 1 անձ:

Պարետային ժամն ուժի մեջ էր մտել երեկոյան ժամը 8-ից մինչև երեքշաբթի երեկոյան ժամը 6-ը՝ Լոս Անջելեսի կենտրոնի այն շրջաններում, որտեղ կենտրոնացած էին ցույցերը։ Լոս Անջելեսի քաղաքապետ Քարեն Բասը հայտարարել է, որ այն կարող է գործել մի քանի օր շարունակ: Քաղաքային իշխանությունները հայտարարել են, որ պարետային ժամի գոտին ընդգրկում է մոտ 1 քառակուսի մղոն տարածք և կանդրադառնա Լոս Անջելեսի 4 միլիոն բնակիչներից մոտ 100 հազարի վրա։

NEWS.am