«Փաշինյանն ասում է՝ «պատերազմ չի լինելու, խաղաղություն է լինելու», ժամանակին էլ ասում էր՝ «Արցախը Հայաստան է, և վերջ», հավատո՞ւմ եք իր ասածաներին, ո՞ւր է Արցախը». Արգամ Հովսեփյան
Վերջերս Սյունիքում արտառոց դեպք էր տեղի ունեցել։ «Sputnik Արմենիային» Քննչական կոմիտեից հայտնել էին, որ Գորիսում ադրբեջանցի զինվորների ուղղությամբ օդաճնշիչ ատրճանակ պահած հայ երիտասարդի նկատմամբ քրեական վարույթ են նախաձեռնել։
Էջմիածնում բնակվող 32-ամյա տղամարդը հայտարարել է, որ բարկությունից դրդված, իր օդաճնշիչ ատրճանակը հանել է ու, վախեցնելու նպատակով, պահել սահմանին ադրբեջանցի զինվորների ուղղությամբ։
Արավուսի նախկին ղեկավար, Տեղ համայնքի ավագանու «Ապրելու երկիր» խմբակցության ղեկավար Արգամ Հովսեփյանն այս ամենը տարօրինակ է համարում՝ հարց հնչեցնելով՝ այդ ո՞վ է տեսել, որ հայը ատրճանակ է պահել ադրբեջանցի զինվորների ուղղությամբ։
«Հիմա որ ատրճանակ են պահել թուրքի ուղղությամբ, թուրքը սատկե՞լ է։ ՀՀ իշխանություններին ադրբեջանական կողմից խաբում են, թե ձեր զինվորը մեզ վրա ատրճանակ է պահել, այն էլ գազովի, իշխանությունն էլ անհիմն քրեական գործ է հարուցում։
Եթե Իրանը հրաժարվի Հայաստանի հարցում կարմիր գծերից, կառաջանա սուպեր Թուրքիա, Հայաստանը կսկսվի հալվել՝ շրջապատված լինելով երեք կողմից. Արթուր Խաչիկյան
Ամեն օր թշնամին Խոզնավարի, Արավուսի, Խնածախի ուղղությամբ կրակում է, պատուհան կոտրում, անասունի սպանում, ջրատաքացուցիչ, տան տանիքներ վնասում, մեր Կառավարությունը սա չի տեսնո՞ւմ։
Մեր Պաշտպանության նախարարն ադրբեջանական կողմից պարզաբանում է պահանջում, տղա ջան, ի՞նչ պարզաբանում ես պահանջում, երբ պարզ ու հստակ Ադրբեջանը կրակում է»,- 168.am-ի հետ զրույցում ասաց Արգամ Հովսեփյանը։
Նրա խոսքով՝ այս ամենով ՀՀ իշխանությունը հայ զինվորին հետ է պահում պաշտպանվելուց, այսինքն՝ եթե ադրբեջանական կողմը կրակի հայ զինվորի վրա, նա իրավունք չունի կրակով պատասխանելու։
«Նիկոլ Փաշինյանն ասում է՝ «պատերազմ չի լինելու, խաղաղություն է լինելու», ժամանակին էլ ասում էր՝ «Արցախը Հայաստան է, և վերջ», հավատո՞ւմ եք իր ասածներին, ո՞ւր է Արցախը։
Նույն ջանասիրությամբ Նիկոլ Փաշինյանը թող հետաքննի ադրբեջանական կրակոցները։ Իհարկե, մենք վստահ ենք, որ Ադրբեջանը կրակում է, որ բնակիչները վախենան դուրս գան, բայց դուրս չեն գալու։
Մեզ այս վիճակում մեկ բան է մնում՝ պաշտպանել մեր սահմանները, գոնե եղածը պահենք, մինչև տեսնենք՝ գլխներիս էլ ինչ են բերելու»,- նշեց Արգամ Հովսեփյանը։
Հիշեցնենք, որ արդեն 3 ամիս է՝ ադրբեջանական կողմը գիշերները կրակում է Սյունիքի ուղղությամբ, մասնավորապես՝ Խոզնավար և Խնածախ գյուղերի վրա, որի հետևանքով տան տանիքներ, արևային ջրատաքացուցիչներ են վնասվել, մանր եղջերավոր կենդանի է սատկել։
Հետևեք մեզ Viber-ում
