Մանկապիղծներն ու քեռակինը․․․ ի՞նչ է պատասխանում Արայիկ Հարությունյանը (video)

Վարչապետի աշխատակազմի ղեկավար Արայիկ Հարությունյանն անընդատ լսում է պնդում այն մասին, որ եկեղեցու հեղինակությունը 5-6 անգամ բարձր է իշխանության հեղինակությունից ու եկեղեցին կարող է ուղղորդող դերակատարում ունենալ ընտրական գործընթացներում։

«Անընդհատ լսում եմ այդ պնդումը՝ վերջին զարգացումների շրջանակներում։ Ուզում եմ մի բան ասել՝ սոցհարցումները, որ արվում են, պետք է շատ ուշադիր նայել, թե տվյալ հարցին պատասխանելիս մեր հանրությունն ինչ ի նկատի ունի։ Ես հարյուր տոկոս վստահությամբ կարող եմ ասել՝ եթե եկեղեցական՝ շրջանառության մեջ գտնվող անունները դնենք այդ հարցման մեջ, կունենանք բացարձակ այլ պատկեր»,- ԱԺ-ում լրագրողների հետ զրույցում ասաց նա։