Հերթական միջադեպը բժիշկների նկատմամբ

Հերթական միջադեպը բժիշկների նկատմամբ. 44-ամյա մայրը Սևանի բժիշկներին շնորհակալություն հայտնելու փոխարեն հիվանդանոցում մի իսկական «դեբոշ է սարքել»: Samshyan.com-ի տեղեկություններով՝ Ոստիկանության Սևանի բաժնի հետաքննչական բաժանմունքում հետաքննություն է սկսվել նոյեմբերի 20-ին Սևանի բժշկական կենտրոնում խուլիգանություն կատարելու փաստով: Այդ օրը ժամը 09:20-ի սահմաններում Սևան քաղաքի բնակիչ, 44-ամյա Ալվինա Խանզադյանի կողմից տևական ժամանակ խաթարվել է բժիշկների աշխատանքը, որի ժամանակ նա բժիշկների նկատմամբ ցուցաբերել է անվայել վարք ՝ տալով նաև հայհոյանքներ: Ինչպես հայտնում է ֆոտոլրագրող Գագիկ Շամշյանը, այդ օրը Ա. Խանզադյանի 7-ամյա աղջկան՝ Անի Խանզադյանին, կույրաղու որդանման ելունի վիրահատման նպատակով տեղափոխել են Սևանի հիվանդանոց, որտեղ վիրաբուժական ծառայության ղեկավար՝ 44-ամյա Մարկ Շմավոնյանը մանրակրկիթ բուժզննում անցկացնելուց հետո երեխայի մորը տեղեկացրել է, որ վիրհատականն միջամտության անհրաժեշտութուն չկա: Այդ ամենից հետո մայրը հիվանդանոցում մի իսկական «դեբոշ է սարքել», հայհոյանքներ հնչեցնելով թե՛ վիրաբուժական ծառայության ղեկավարի և թե՛ բուժանձնակազմի նկատմամբ: