Թշնամին ոգևորվել է․ Ադրբեջանը կարող է զգալի օգուտներ ստանալ

Ադրբեջանի իշխանամետ ամենահայտնի լրատվական գործակալություններից մեկը մեծ ոգևորությամբ արձագանքել է Նիկոլ Փաշինյանի կողմից Մայր Աթոռի դեմ սանձազերծված արշավին։

Ավելին՝ գործակալությունը այս գործընթացը համարում է դիվանագիտական հնարավորություն, որով, ըստ իրենց, Ադրբեջանը կարող է զգալի օգուտներ ստանալ։ Հատկապես նշվում է այն հանգամանքը, որ Հայաստանի վարչապետի և Հայ Առաքելական Եկեղեցու միջև սրացումը կարող է միջազգային հանրության աչքում վարկաբեկել Հայկական Եկեղեցին, վերջինիս կողմից բարձրաձայնվող Ադրբեջանի կատարած ռազմական և մշակութային հանցագործությունների վերաբերյալ մեղադրանքները դարձնելով երկրորդական կամ ոչ արժանահավատ։