Պետական եկամուտների կոմիտեն առաջարկում է փոփոխություններ կատարել «Եկամտային հարկի, շահութահարկի և սոցիալական վճարի անձնավորված հաշվառման մասին» օրենքում։ Նախագծի ընդունումը պայմանավորված է «Եկամտային հարկի, շահութահարկի և սոցիալական վճարի անձնավորված հաշվառման մասին» օրենքում ինքնազբաղված անձանց եկամտային հարկի տարեկան հաշվարկների (հայտարարագրերի) ներկայացման ժամկետը և ինքնազբաղված անձանց հասկացությունը հարկային օրենսգրքով սահմանված դրույթներին համապատասխանեցնելու անհրաժեշտությամբ։
«Եկամտային հարկի, շահութահարկի և սոցիալական վճարի անձնավորված հաշվառման մասին» օրենքի 11-րդ հոդվածի 1-ին մասով սահմանված է, որ անհատ ձեռնարկատերերը, նոտարները և ինքնազբաղված անձինք յուրաքանչյուր տարվա համար տարեկան անձնավորված հաշվարկները հարկային մարմին են ներկայացնում մինչև տվյալ տարվան հաջորդող տարվա ապրիլի 20-ը։ ՀՀ հարկային օրենսգրքին (ՀՕ-76-Ն օրենքի նոր խմբագրությամբ, որն ուժի մեջ է մտել 2025թ.ի ապրիլի 29-ին) համապատասխան՝ ֆիզիկական անձինք եկամտային հարկի տարեկան հաշվարկները (հայտարարագրերը) հարկային մարմին են ներկայացնում յուրաքանչյուր հաշվետու ժամանակաշրջանին հաջորդող հարկային տարվա մարտի 2-ից մինչև հուլիսի 1-ը ներառյալ։ Ընդ որում՝ ֆիզիկական անձինք 2024 և 2025 թվականների հաշվետու տարիների համար եկամտային հարկի տարեկան հաշվարկները հարկային մարմին են ներկայացնում, համապատասխանաբար, 2025 թ. հունվարի 1-ից մինչև 2025 թ. նոյեմբերի 1-ը ներառյալ և 2026 թ. մարտի 2-ից մինչև 2026 թ. նոյեմբերի 1-ը ներառյալ։
«Եկամտային հարկի, շահութահարկի և սոցիալական վճարի անձնավորված հաշվառման մասին» օրենքի 3-րդ հոդվածի 1-ին մասի 3-րդ կետի համաձայն՝ նույն օրենքի իմաստով անհատ ձեռնարկատեր չեն համարվում «Ինքնազբաղված անձանց հարկային արտոնությունների մասին» օրենքի (ուժը կորցրած է ճանաչվել) N1 հավելվածի ցանկում ընդգրկված գործունեության տեսակներով զբաղվող անհատ ձեռնարկատերերը։
Նախագծով նախատեսվում է «Եկամտային հարկի, շահութահարկի և սոցիալական վճարի անձնավորված հաշվառման մասին» օրենքով սահմանել, որ անհատ ձեռնարկատերերը, նոտարները, ինքնազբաղված անձինք նույն օրենքի հիման վրա անձնավորված հաշվարկները լիազոր մարմին են ներկայացնում հարկային օրենսգրքով սահմանված ժամկետներում։ Միաժամանակ սահմանվում է, որ նույն օրենքի իմաստով անհատ ձեռնարկատեր չեն համարվում հարկային օրենսգրքով սահմանված՝ բացառապես միկրոձեռնարկատիրության սուբյեկտ համարվող անհատ ձեռնարկատերերը։
Դեկտեմբերի 15-ին՝ ժամը 14։30-ին, Հայելի ակումբի հյուրն է Խաչիկ Մանուկյանը
Դեկտեմբերի 15-ին՝ ժամը 12։00-ին, Հայելի ակումբի հյուրն է Նաիրա Զոհրաբյանը
Դեկտեմբերի 15-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Դեկտեմբերի 12-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Դեկտեմբերի 12-ին՝ ժամը 12։00-ին, Հայելի ակումբի հյուրն է Զարուհի Փոստանջյանը
Դեկտեմբերի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Դեկտեմբերի 12-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 11-ին՝ ժամը 14։00-ին, Հայելի ակումբի հյուրն է Նարե Սոսեն
Դեկտեմբերի 11-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Դեկտեմբերի 11-ին՝ ժամը 16։00-ին, Հայելի ակումբի հյուրն է Սամվել Հակոբյանը
Հետևեք մեզ Viber-ում
