Al Jazeera. Մայիսի 18-ին Գազայի հատվածում Իսրայելի հարվածներից ավելի քան 150 մարդ է զոհվել

Մայիսի 18-ին Գազայի հատվածին Իսրայելի հարվածների հետևանքով առնվազն 151 մարդ է զոհվել, հայտնում է քաթարական Al Jazeera հեռուստաալիքը։ Հեռուստաալիքը նշում է, որ նրանցից 70-ը զոհվել են Գազա քաղաքի և պաղեստինյան անկլավի հյուսիսային շրջանների ռմբակոծությունների հետևանքով։

Իսրայելի վարչապետի գրասենյակի խորհրդական Դմիտրի Գենդելմանը կիրակի օրը հայտարարել է, որ Իսրայելի պաշտպանության բանակը (ԻՊԲ) մտել է Գազայի հատվածում ՀԱՄԱՍ ծայրահեղական շարժման ջախջախման «Գեդեոնի մարտակառքեր» ռազմական գործողության վճռորոշ փուլ։ Գենդելմանը նշել է, որ «ցամաքային ուժերն առաջ են շարժվում Գազայի հատվածի խորքը՝ նպատակային հարվածներ հասցնելով ՀԱՄԱՍ-ի կառույցներին և զբաղեցնելով առանցքային դիրքեր», իսկ «վերջին մեկ շաբաթվա ընթացքում ավիացիան հարյուրավոր թիրախների է հարվածել՝ ոչնչացնելով պահեստներ, թունելներ, հրթիռային դիրքեր և ահաբեկիչներ» անկլավի տարածքում։