Հայտնի է դարձել Ստամբուլում ՌԴ պատվիրակության կազմը
Ռուսաստանի նախագահ Վլադիմիր Պուտինը ձևավորել է ՌԴ պատվիրակության կազմը՝ Ուկրաինայի հետ բանակցելու համար: Կարգադրությունը հրապարակվել է Կրեմլի կայքում։
Որպես պատվիրակներ Թուրքիա կմեկնեն Ռուսաստանի նախագահի օգնական Վլադիմիր Մեդինսկին, Ռուսաստանի փոխարտգործնախարար Միխայիլ Գալուզինը, Ռուսաստանի պաշտպանության փոխնախարար Ալեքսանդր Ֆոմինը և ՌԴ Զինված ուժերի գլխավոր շտաբի գլխավոր վարչության պետ Իգոր Կոստյուկովը:
Պատվիրակության հիմնական անդամներից բացի, Մոսկվայի կողմը կներկայացնեն չորս փորձագետներ՝ գլխավոր շտաբի տեղեկատվության վարչության պետի առաջին տեղակալ Ալեքսանդր Զորինը, հումանիտար ոլորտում պետական քաղաքականության հարցերով ՌԴ նախագահի վարչության պետի տեղակալ Ելենա Պոդբրեևսկայան, Ռուսաստանի ԱԳՆ ԱՊՀ երկրների երկրորդ դեպարտամենտի տնօրեն Ալեքսեյ Պոլիշչուկը և ՌԴ ՊՆ միջազգային ռազմական համագործակցության գլխավոր վարչության պետի տեղակալ Վիկտոր Շևցովը:
Հետևեք մեզ Viber-ում
