Մակրոնն անսպասելի խոստովանություն արեց

ՌԻԱ Նովոստիի փոխանցմամբ՝ Ֆրանսիայի նախագահ Էմանուել Մակրոնը TF1-ին տված հարցազրույցում ասել է, որ նույնիսկ Կիևը խոստովանել է 2014 թվականի սահմաններին վերադառնալու անհնարինությունը։

«Նույնիսկ ուկրաինացիները բավականին հստակ հասկանում են, որ չեն վերադարձնի 2014 թվականից ի վեր կորցրած տարածքները», - ասել է նա։

Հիշեցնենք, որ կիրակի օրը Ռուսաստանի նախագահ Վլադիմիր Պուտինը ելույթ է ունեցել ռուսական և արտասահմանյան լրատվամիջոցների առջև և առաջարկել, որ Կիևը վերսկսի առանց նախապայմանների ուղիղ բանակցությունները Ստամբուլում մայիսի 15-ին։ Պետության ղեկավարը շեշտել է, որ չի բացառում իրական հրադադարի հասնելը, որը կպահպանվի Ուկրաինայի կողմից։

Նշենք, որ երեքշաբթի օրը Ռուսաստանի փոխարտգործնախարար Սերգեյ Ռյաբկովը հայտարարել է, որ Ռուսաստանը պատրաստ է լուրջ և պատասխանատու կերպով բանակցել Ուկրաինայի հարցով, սակայն Կիևի ներկայիս քաղաքական գործիչները աչքի են ընկնում բանակցելու իրենց անկարողությամբ։