Թուրքիան և ԱՄՆ-ն պատրաստակամություն են հայտնել

Առաջնորդների բանակցություններից հետո Թուրքիան և Միացյալ Նահանգները պայմանավորվել են համատեղ ջանքեր գործադրել Ուկրաինայի հարցով բանակցային գործընթացի շուրջ։ Ինչպես տեղեկացնում է «ՌԻԱ Նովոստի»-ն, այդ մասին հայտնել է Թուրքիայի նախագահի աշխատակազմը։

«Թուրքիայի և ԱՄՆ ղեկավարների հեռախոսազրույցի ընթացքում պայմանավորվածություն է ձեռք բերվել համատեղ ջանքեր գործադրել տարածաշրջանային հակամարտությունների կարգավորման ուղղությամբ, այդ թվում՝ Ուկրաինայի հակամարտությունը հանգուցալուծելու ուղղությամբ: Նախագահ Էրդողանը մեծ նշանակություն է տալիս Թուրքիայի երկու կարևոր, մերձավոր հարևանների միջև հակամարտության կարգավորմանը և միշտ շեշտում է, որ խաղաղ գործընթացում պարտվող կողմ չի լինի»,-ասված է Թուրքիայի նախագահի աշխատակազմի տարածած հաղորդագրության մեջ։