Լարված իրավիճակ՝ Գյումրիում
Փաստաբան Սոս Հակոբյանը լրագրողների հետ զրույցում մանրամասնեց, որ իշխանությունները գտել են եղանակներ՝ խարխլելու իրավիճակը, որն ունեն Գյումրիում ընտրությունների արդյունքում։
Փաստաբանը վստահեցնում է՝ անձի, տվյալ դեպքում՝ Կարեն Բադալյանի կամքի վրա ազդեցություն է եղել իշխանական շրջանակներից։
Մասնավորապես, «Մեր քաղաքը» դաշինքից ձևավորվել է վեց հոգանոց թիմ, որից մեկը՝ Կարեն Բադալյանը, ապրիլի 21-ին դիմում էր գրել, որ այլ աշխատանքի անցնելու կապակցությամբ հնարավոր չի համարում իր պաշտոնավարումը որպես ավագանու անդամ և հրաժարականի դիմում է ներկայացրել, օրենքով սահմանված կարգով համայնքի ղեկավարն արձանագրություն է կազմել՝ լիազորությունների դադարման, արձանագրվել է թափուր լինելը, մինչդեռ, ժամկետներն անցնելուց հետո ԸԸՀ-ն գործառույթը չի իրականացրել, Կարեն Բադալյանը նաև դատարան է դիմել ցանկանալով անվավեր ճանաչել քաղաքապետի արձանագրությունը, բացի այդ, դիմումից երկու օր հետո՝ բոլորին անկախ հանգամանքներում կրկին դիմում է ներկայացրել՝ խնդրելով անտեսել մանդատից հրաժարվելու դիմումը և ցանկանում է դուրս գալ խմբակցությունից։
Հետևեք մեզ Viber-ում
