Ինչո՞ւ է Սերժ Սարգսյանը ձգում ինտրիգը. մեծ «մասշտաբների» հարցեր կան, «գլուխը խառն է»
«Իրատես» թերթը գրում է. «ԵՄ-հետ շրջանակային համաձայնագիրը ստորագրելուց րոպեներ առաջ Սերժ Սարգսյանը «Ազատություն» ռ/կ-ի հարցին, թե 2018-ից հետո որտե՞ղ է իրեն պատկերացնում, ասաց. «Եթե ես պատկերացնեի, վաղուց արդեն հայտարարած կլինեի: Այ երբ որ պատկերացնեմ, այն ժամանակ կհայտարարեմ»: Այսինքն, ապագա ղեկավարի ինտրիգը դեռ շարունակվում է, որը, հավանաբար, դեռ երկար կձգվի: ՀՀԿ-ից վստահեցնում են, որ Սերժ Սարգսյանը որոշ հարցեր հստակեցնելուց հետո միայն կհայտարարի իր ապագա անելիքների մասին: Իսկ այդ հարցերը բավական մեծ «մասշտաբների» են: Որտե՞ղ կլինի, ի վերջո, ՀՀԿ ղեկավարը: Նրա կուսակիցները նորից պնդում են` իշխանության վերին օղակում, իսկ նոր սահմանադրությամբ դա վարչապետի պաշտոնն է: Ուրեմն ո՞րն է նպատակը, որ այդ մասին նա անգամ չի ակնարկում: «Նրա փոխարեն ողջ ՀՀԿ-ն է լծված այդ գործին», - պնդեցին մեր աղբյուրները` վստահեցնելով, որ այդ մասին հայտարարելն այնքան էլ դժվար չէ, դրան նախապատրաստող հանգամանքներն են առավել էական: Ի դեպ, ինչպես պնդում են նույն աղբյուրները, մինչ օրս Սերժ Սարգսյանի «գլուխը խառն» էր արտաքին հարցերով, այսուհետ նրա ուշադրությունը սեւեռվելու է ներքին իրավիճակին եւ «պատկերացումներին»: Այնպես որ, այսուհետ պետք է սպասել ներիշխանական իրարանցման»: Մանրամասները՝ թերթի այսօրվա համարում
Հետևեք մեզ Viber-ում
