Մոուրինյոն ոգեւորում է Մխիթարյանին, ա՞յս կերպ. The Mirror

«Մանչեստեր Յունայթեդի» գլխավոր մարզիչ Ժոզե Մոուրինյոն կիսապաշտպան Հենրիխ Մխիթարյանին թիմից դուրս է թողնում նրան «ոգևորելու» համար, գրում է The Mirror պարբերականը: Մխիթարյանը հայտավորված չէր վերջին 2 հանդիպումներում՝ Անգլիայի Պրեմիեր լիգայի 12-րդ տուրի «Նյուքասլի» դեմ խաղում, որում ՄՅՈՒ-ն հաղթեց (4:1), եւ Չեմպիոնների լիգայի խմբային փուլի 5-րդ տուրի «Բազելի» դեմ խաղում, որում պարտվեց 0:1 հաշվով: «Հասկանալի է, որ Մոուրինյոն հույս ունի, որ 5 օրում 2 անգամ հայտացուցակից դուրս մնալը Մխիթարյանին կարթնացնի քնից ու կօգնի վերագտնել իր լավագույն մարզավիճակը»,- գրում է The Mirror-ը: