ԱՄՆ Գերագույն դատարանը Թրամփին թույլ է տվել արտաքսել ներգաղթյալներին

ԱՄՆ Գերագույն դատարանը թույլատրել է Թրամփին արտաքսել ներգաղթյալներին՝ ըստ պատերազմական ժամանակի օրենքի։

«Գերագույն դատարանը պաշտպանել է օրենքի գերակայությունը մեր երկրում՝ թույլ տալով նախագահին, որ ով էլ որ լինի, կարողանա պաշտպանել մեր սահմանները, պաշտպանել մեր ընտանիքները և պաշտպանել մեր երկիրը»,- գրել է Թրամփը սոցցանցերում։

Ինչպես պարզաբանել է BBC-ն, դատարանը բավարարել է նախագահի խնդրանքը և չեղյալ է համարել ստորին ատյանի դատարանի որոշումը, ըստ որի վենեսուելական Tren de Aragua հանցավոր խմբավորման հետ կապերի մեջ կասկածվող օտարերկրացիների արտաքսումը կասեցվում էր: