Մասկը նախազգուշացրել է Եվրոպայում «լայնածավալ ջարդերի» հնարավորության մասին
Ամերիկացի միլիարդատեր և ԱՄՆ կառավարության արդյունավետության դեպարտամենտի (DOGE) ղեկավար Իլոն Մասկը հայտարարել է, որ Եվրոպայում ահաբեկչական հարձակումների թիվն աճում է, և դրանց հաճախականությունը կհանգեցնի լայնածավալ արյունահեղության։
«Մենք ակնհայտորեն տեսնում ենք հարձակումների թվի ահռելի աճ Իտալիայում և ընդհանրապես Եվրոպայում: Եվ լրատվամիջոցները, ավանդական լրատվամիջոցները, նսեմացնում են այդ հարձակումները: Բայց հարձակումները, ահաբեկչությունը, անմեղ մարդկանց սպանությունները ավելանում են: Ամեն շաբաթ դրանք ավելի շատ են լինում: Եվ, ի վերջո, կարծում եմ, որ մենք կտեսնենք համատարած ջարդեր Եվրոպայում։ Սա է միտումը»,- ասել է նա՝ տեսահոլովակով խոսելով Ֆլորենցիայում կայացած Լիգա կուսակցության համագումարում:
Հետևեք մեզ Viber-ում
