Չինաստանը խուճապի է մատնվել և սխալվել. Թրամփ

ԱՄՆ նախագահ Դոնալդ Թրամփը, ԱՄՆ-ից ներկրվող բոլոր ապրանքների վրա նոր մաքսատուրքեր սահմանելու մասին Պեկինի հայտարարությունից հետո, հայտարարեց, որ Չինաստանը խուճապի է մատնվել և սխալվել է փոխանցում է ՏԱՍՍ-ը:

«Չինաստանը սխալ քայլ արեց, նա խուճապի է մատնվել, սա մի բան է, որը նա չի կարող իրեն թույլ տալ»: - գրել է Վաշինգտոնի վարչակազմի ղեկավարը Truth Social սոցիալական ցանցում։ 

Ինչպես ավելի վաղ հայտնել էր Չինաստանի Ժողովրդական Հանրապետության Պետական ​​խորհրդի սակագնային հանձնաժողովը, ապրիլի 10-ից Չինաստանի իշխանությունները 34%-ի չափով լրացուցիչ մաքսատուրքեր կսահմանեն ԱՄՆ-ից ներկրվող բոլոր ապրանքների համար։ Այս քայլը պատասխան էր Թրամփի կողմից նոր մաքսատուրքերի ներդրմանը։ «ԱՄՆ-ի գործողությունները հակասում են միջազգային առևտրի կանոններին, լրջորեն խաթարում են Չինաստանի օրինական իրավունքները և շահերը և հանդիսանում են միակողմանի ահաբեկման տիպիկ դրսևորում»,- ասվում է հայտարարության մեջ։