Թրամփի մաքսատուրքերի հետևանքները. iPhone-ի գինը 2300 դոլար

Վերլուծաբանները նախազգուշացնում են գլոբալ առևտրի էական փոփոխությունների մասին՝ ԱՄՆ նախագահ Դոնալդ Թրամփի կողմից ներմուծման լայնածավալ մաքսատուրքերի սահմանումից հետո։ Սպառողական ապրանքները, այդ թվում՝ iPhone-ը, որի արտադրությունը կենտրոնացված է Չինաստանում, ենթարկվում են հարձակման՝ 54 տոկոս մաքսատուրքի տակ ընկնելով, հայտնում է Reuters-ը։

Rosenblatt Securities-ի կանխատեսումների համաձայն՝ ԱՄՆ-ում iPhone 16 բազային մոդելի արժեքը կարող է 800 դոլարից աճել մինչև 1142 դոլար 43 տոկոսով։ iPhone 16 Pro Max 1 ՏԲ մոդելը 1600 դոլարից կարող է թանկանալ մինչև 2300 դոլար։