ՌԴ Քննչական կոմիտեն գործ է հարուցել

ՌԻԱ Նովոստիի հաղորդմամբ` ՌԴ Քննչական կոմիտեն քրեական գործ է հարուցել Ուկրաինայի Զինված ուժերի կողմից Կուրսկի շրջանում երկու էներգետիկ օբյեկտների գնդակոծությունից հետո տեղի ունեցած ահաբեկչության փաստով, հայտնել է գործակալության գլխավոր ռազմական քննչական վարչությունը Telegram-ի իր ալիքում։

«Քրեական օրենսգրքի 205-րդ հոդվածի 2-րդ մասի «ա» և «բ» կետերով քրեական գործ է հարուցվել (ահաբեկչական գործողություն): Պարզվել է, որ ապրիլի 2-ին Ուկրաինայի զինված կազմավորումների զինծառայողները, օգտագործելով անօդաչու թռչող սարքեր, թիրախային հարձակում են գործել Կուրսկի շրջանի էներգետիկ օբյեկտների վրա: Արդյունքում նշված օբյեկտները զգալի վնաս են ստացել»,- ասվում է հաղորդագրության մեջ։