Մեր կին համակիրներից երկուսի տունը խուզարկել են, նրանցից մեկին տարել են անչափահաս երեխաների մոտից․ Կարեն Սիմոնյան

Գյումրու քաղաքապետի «Մայր Հայաստան» դաշինքի թեկնածու Կարեն Սիմոնյանը լրագրողների հետ զրույցում հայտնել է, որ վաղ առավոտից խուզարկություններ են իրականացրել նաև շտաբի պետի և համակիրների տներում։

«Մեր կին համակիրներից երկուսի տունը խուզարկել են և նրանց տեղափոխել հակակոռուպցիոն կոմիտե: Նրանցից մեկին՝ Էմմա Գրիգորյանին տարել են երկու անչափահաս երեխաների մոտից»: Անդրադառնալով իրենց դեմ ուղղված ընտրակաշառք տրամադրելու մեղադրանքներին՝ Սիմոնյանը ընդգծեց. «լավ էլի, իրենք են անում միլիոնավոր դոլարների շիբիներ, լամպչկեք ու փորձում են մեզ ներքաշել նման հարցերի մեջ: Ինչ անում են իրենց դեմ է աշխատելու, այս պրոցեսները իրենց դեմ է աշխատելու»,– նշել է նա: