ԴԱԻՇ-ի վառելիքը վաճառվում է Բուլղարիայում

ԴԱԻՇ ահաբեկչական կազմակերպության կողմից արտադրվող վառելիքը՝ բենզինն ու դիզվառելիքը, վաճառվում է Բուլղարիայի լցակայաններում։ Այս մասին հայտնում է Trud թերթը՝ հղում անելով երկրի մաքսային ծառայության հուսալի աղբյուրին։ Պարբերականի փոխանցմամբ՝ կապված ստացված ահազանգի հետ, կազմակեպված հանցավորության դեմ պայքարի ծառայության և ազգային անվտանգության պետական գործակալության աշխատակիցները Սոֆիայում և երկրի ևս 15 մարզերում անցկացնում են լիցքավորման կայանների զանգվածային հատուկ ստուգումներ։ Ստուգման տակ են հայտնվել աելի քան 50 օբյեկտներ՝ ասել են հատուկ ծառայությունների ներկայացուցիչները՝ հրաժարվելով մեկնաբանել ԴԱԻՇ-ին առնչվող վարկածը։