Ադրբեջանի խոսքն ու գործը չի համընկնում.Նալբանդյանը բացահայտում է Ադրբեջանի հետ պայմանավորվածությունը
«Ես՝ որպես Հայաստանի արտաքին գործերի նախարար, ոչ մի տեղեկություն չունեմ այն մասին, որ դեկտեմբերին Հայաստանի և Ադրբեջանի նախագահները հանդիպում են ունենալու»,- այսօր հրավիրած ասուլիսում ասաց ՀՀ արտաքին գործերի նախարար Էդվարդ Նալբանդյանը:Այստեղ նոր բան չպետք է հորինել, կարգավորման հիմնական սկզբունքներն ու տարրերն արդեն դրված են սեղանին, կան աշխատանքային փաստաթղթեր,անդրադառնալով հարցին, թե հնարավո՞ր է ԼՂ հիմնախնդրի կարգավորման հարցում կտրուկ առաջընթաց արձանագրել, ասաց Նալբանդյանը : « Ադրբեջանի խոսքն ու գործը չի համընկնում»,- ասաց Նալբանդյանը:Հարցին, թե ադրբեջանական կողմը Բաքվում Լավրովի հետ հանդիպմանը հայտարարել է, թե շահագրգռված է ԼՂ հիմնախնդրի արագ կարգավորմանը, այդ դեպքում ինչո՞ւմ է խնդիրը, ինչո՞ւ տեղաշարժ չկա, Նալբանդյանը պատասխանեց. «Խնդիրն այն է, որ գործը խոսքերի հետ համընկնի, և չշեղվեն իրենց խոսքերից: Մենք Կազանի նախօրեին երեք-չորս անգամ հանդիպեցինք արտգործնախարարների մակարդակով՝ Հայաստանի, Ռուսաստանի և Ադրբեջանի, որպեսզի համաձայնեցնեինք հիմնական սկզբունքների տեքստը, որովհետև դրանք պետք է ներկայացվեին նախագահներին: Եվ գագաթնաժողովից 10 օր առաջ ստացանք ուղեկցող նամակ, որտեղ հստակ ամփոփված էին մեր պայմանավորվածությունները: Ինչպես և պայմանավորված էինք, տեքստերի մեջ փոփոխություններ չէին մտցվելու: Իրականում ադրբեջանցիները ժամանեցին Կազան 12 փոփոխությունների առաջարկներով: Այսինքն՝ նահանջեցին պայմանավորվածությունից: Սա առաջին քայլը չէ, դա եղել է և Սոչիում, նույնը դրանից առաջ՝ Աստրախանում, նաև Սանկտ Պետերբուրգում: Պատկերացնո՞ւմ եք, բարձր մակարդակով պայմանավորվում են, բայց չորս անգամ արգելափակել են ֆինանսավորումը», -ասաց նա: Ինչ վերաբերում է ԼՂ հիմնախնդրի կարգավորման երեք սկզբունքներին՝ Էդվարդ Նալբանդյանն ասաց, որ դրանց շուրջ ևս Ադրբեջանի հետ համաձայնությունների էին հասել: «Պայմանավորվել ենք կրակի դադարեցման մասին. կա 1994-95 թվականների երեք համաձայնություն եւ ի՞նչ: Ադրբեջանը կեղծ ու ճշմարիտ բոլոր միջոցներով փորձում է հեռանալ պայմանավորվածություններից: Իհարկե, լավ կլիներ, որ խոսքերը գործերին համապատասխանեին»,- նշեց նախարարը: Նրա խոսքով՝ բառացիորեն Ժնեւում խոսվում էր լարվածության թուլացման հավելյալ միջոցների մասին. դրանք միջոցներ են, որոնց մասին խոսվել է Վիեննայում եւ Սանկտ Պետերբուրգում: Եվ դա կրկին արվում է: Ընդ որում՝ ադրբեջանցիները փորձում են չմտաբերել հայտնի 5 հայտարարությունները: «Հուսանք, որ Ադրբեջանը կփոխի դիրքորոշումը եւ իր ցանկությունն իսկապես գործի կվերածի: Հայաստանը երբեք չի հեռացել ձեռք բերված պայմանավորվածություններից եւ մտադիր է ԵԱՀԿ ՄԽ համանախագահների հետ համատեղ շարունակել բացառապես խաղաղ կարգավորմանն ուղղված ջանքերը»,- հայտարարեց Նալբանդյանը: Ի պատասխան բանակցություններում ճեղքման հնարավորության եւ նախագահների հանդիպման մասին հարցին՝ Նախարարը նշեց, որ տեղեկություններ չունի մոտ ժամանակում հանդիպման հավանականության վերաբերյալ: «Խոսքը ճեղքման մասին չէ: Վերջերս ես ասացի, որ դժվար է հեծանիվ հորինել: Հիմնական սկզբունքները եւ տարրերը սեղանի վրա են: Կան չմշակված հարցեր: Մենք շատ երկար ենք բանակցություններ վարել»,- հիշեցրեց նախարարը: Դրա հետ մեկտեղ, նա ընդգծեց, որ խաղաղ բանակցություններն այլընտրանք չունեն:
Հետևեք մեզ Viber-ում
