ՀՀԿ-ն Վանաձորի քնած դշխուհին է, ՀՎԿ-ն համբույրներով վերակենդանացնում է

«ՍԴ որոշումը դե յուրե արձանագրեց Վանաձորի ավագանու մահը Հուշագրերի ստորագման տեսքով տեղի ունեցածը դիակին դե յուրե վերակենդանացնելու փորձ է, ինչը չի նշանակում, որ դիակը սկսեց կենդանանալ։ Դե յուրե գոյություն չունեցող մարմինը պետք է լուծարվի։ Սա այն ուղիղ հետևությունն է, որը բխում է ՍԴ որոշումից:Այսօր մենք  պատրաստվում ենք դիմել կառավարությանը՝ կոչ անելով կյանքի կոչել ՍԴ որոշումը Վանաձորի ավագանին լուծարելու համար », - լրագրողների հետ ճեպազրույցում ասաց «Ելք» խմբակցության ղեկավար Նիկոլ Փաշինյանը։ Անդրադառնալով «Հայկական վերածնունդի» և ՀՀԿ-ի միջև Վանաձորում կնքված հուշագրին՝ Փաշինյանը նշեց, որ այդ հուշագիրը ցույց տվեց, թե ովքեր էին խախտել նախնական պայմանավորվածությունները ընտրությունների ժամանակ։ ««Հայկական վերածնունդը» կարող է ասել՝ պատրաստ ենք մահացած հիվանդի հետ ամուսնանալ և փորձել վերակենդանացնել։ Եթե ՀՀԿ-ն Վանաձորի ավագանու քնած դշխուհին է, «Հայկական վերածնունդն» իր համբույրներով կարող է նրան փորձել վերակենդանացնել, բայց տվյալ դեպքում մահացած դշխուհու հետ գործ ունենալն ու նրան վերակենդանացնելը դժվար է։ ՀՎԿ-ի քաղաքական մահը մենք շուտ էինք արձանագրել, բայց հիմա ՀՀ-ում այլևս նման քաղաքական ուժ գոյություն չունի և դրա մասին նույնիսկ ստորագրված հուշագիր կա», - նշեց Փաշինյանը։