Նախարարներից ովքե՞ր են անցել պարտադիր զինվորական ծառայություն

Իրավաբան.net–ը հետևել է Հայաստանում գործող 18 նախարարություններից 17-ի նախարարների (սփյուռքի նախարարը Հրանուշ Հակոբյանն է) ներկայացրած կենսագրությունները, որոնց համաձայն ձեզ ենք ներկայացնում, թե կառույցների ղեկավարների ովքե՞ր են անցել պարտադիր զինվորական ծառայություն: Իրենց կենսգրություններում պարտադիր զինծառայության մասին նշումներ ունեին․ Առողջապահության նախարար Լևոն Ալթունյանը՝ 1976-1978թթ. ծառայել է Խորհրդային բանակում: Մշակույթի նախարար Արմեն Ամիրյանը 1986-1988թթ. ծառայել է Խորհրդային բանակում: Էներգետիկ ենթակառուցվածքների և բնական պաշարների նախարար Աշոտ Մանուկյանը ծառայություն է անցել 1987-1989թթ-ին: Աշխատանքի և սոցիալական հարցերի նախարար Արտեմ Ասատրյանը 1994-1995 թթ. ծառայել է ՀՀ Զինված ուժերում: Արտակարգ իրավիճակների նախարար Դավիթ Տոնոյանը 1986-1988թթ. ծառայել է ԽՍՀՄ զինված ուժերում, 1992թ.-ից՝ ՀՀ զինված ուժերում է: Պաշտպանության նախարար Վիգեն Սարգսյանը 2000 – 2003թթ.- ծառայություն ՀՀ զինված ուժերում, ՀՀ պաշտպանության նախարարի ռեֆերենտ: Գյուղատնտեսության նախարար Իգնատի Առաքելյանը ևս ծառայել է ՀՀ Զինված ուժերում։ Նրա կենսագրությունում տարեթվերը նշված չէին։ Տարածքային կառավարման և զարգացման նախարար Դավիթ Լոքյանը ևս զինապարտ է։ Կրթության և գիտության նախարար Լևոն Մկրտչյանը զինապարտ է, ավագ լեյտենանտ: Ֆինանսների նախարար Վարդան Արամյանը զինապարտ է, կրտսեր սերժանտ: Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը զինապարտ է, պահեստի սպա: Տնտեսական զարգացման և ներդրումների նախարար Սուրեն Կարայանը զինապարտ է, լեյտենանտ: Սպորտի և երիտասարդության հարցերի նախարար Հրաչյա Ռոստոմյանը զինապարտ է, պահեստի լեյտենանտ: Պարտադիր զինծառայություն անցնելու մասին ոչ մի տվյալ նշված չէր՝ ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանի, արդարադատության նախարար Դավիթ Հարությունյանի, բնապահպանության նախարար Արծվիկ Մինասյանի, արտաքին գործերի նախարար Էդվարդ Նալբանդյանի կենսագրություններում