Երևանը և Բաքուն համաձայնություն են տվել
«Հայաստանի և Ադրբեջանի արտգործնախարարների հանդիպումը տեղի կունենա Վիեննայում, դեկտեմբերի 6-8-ն ընկած ժամանակահատվածում Պայմանավորվածություն է ձեռք բերվել, որ Հայաստանի և Ադրբեջանի արտաքին գործերի նախարարների միջև հանդիպումն անցկացվի ԵԱՀԿ արտգործնախարարների հանդիպման շրջանակում` Վիեննայում, դեկտեմբերի 6-8-ն ընկած ժամանակահատվածում:Երկու կողմերն էլ համաձայնություն են տվել այս հանդիպման վերաբերյալ», - այս մասին այսօր ասաց ՀՀ արտգործնախարար Էդվարդ Նալբանդյանը: « Հայաստանի համար բանակցային գործընթացին այլընտրանք չկա:Մենք կարևորում ենք եռանախագահող երկրների միջնորդական ջանքերն` ուղղված հիմնախնդրի բացառապես խաղաղ կարգավորմանը: Այս կոնտեքստում էին կազմակերպված եռանախագահների հանդիպումները Հայաստանի և Ադրբեջանի արտաքին գործերի նախարարների հետ: Մենք տեղեկացրել էինք, որ այդ հանդիպման ընթացքում քննարկվել են վերջին գագաթաժողովներին` ժնևում, դրանից առաջ` Սանկտ-Պետերբուրգում, Վիեննայում ձեռք բերված համաձայնությունների իրականացման հնարավորությունները», - ասաց Է. Նալբանդյանը:
Հետևեք մեզ Viber-ում
