Հայաստանում ամուսնությունը կարող է կայանալ միայն կնոջ ու տղամարդու միջև. Վարչապետը զարմացած էր
«Փոփոխություններ կատարելը պայմանավորված է Սահմանադրությամբ:Բանն այն է, որ մեր Սահմանդրությունը նորովի մի շարք կարգավորումներ է տվել, մասնավորապես, որպես ամուսնանալու սահմանափկման նպատակ ամրագրել ենք բացառապես առողջության ու բարոյականության պաշտպանությունը:Առաջին անգամ ամրագրվել է, որ ամուսնությունը կարող է կայանալ միայն կնոջ ու տղամարդու միջև », -կառավարության այսօրվա նիստի ժամանակ ՀՀ արդարադատության նախարար Դավիթ Հարությունյանը ներկայացրեց Ընտանեկան օրենսգրքում փոփոխություններ կատարելու մասին նախագիծը: «Մինչև էդ ամրագրված չէ՞ր դա», - հետաքրքրվեց վարչապետ Կարեն Կարապետյանը: Դավիթ Հարությունյանն էլ պատասխանեց, որ ոչ, միայն ենթադրվում էր: «Նախատեսվել է, որ երեխայի կարծիքը, նրա տարիքի ու հասունության մակարդակին համապատասխան, պետք է հաշվի առնվի վերջինիս հետ կապված ցանկացած հարց լուծելիս:Ամրագրվում է նաև ծնողական իրավունքներից զրկելու կամ դրանք սահմանելու նպատակը: Եվ դա միայն երեխայի կենսական շահն է: Սահմանադրությունը նախատեսում է երեխայի իրավունքը, կանոնավոր շփումներն իր ծնողների հետ:Նախորդ Սահմանադրության մեջ այս նորմերը չեն եղել», – հավելեց Հարությունյանը: Դավիթ Հարությունյանն ասաց, որ կարգավորումներ են առաջարկվել նաև որդեգրության գործընթացում, որոնք բխում են միջազգային պայմանագրերում Հայաստանի ստանձնած պարտավորություններից: Աշխատանքի և սոցիալական պաշտպանության փոխնախարարը երկու օր ժամանակ խնդրեց երկու հարց հստակեցնելու համար:
Հետևեք մեզ Viber-ում
