Ադրբեջանը Վրաստանի գազի մատակարարումների ծավալը կավելացնի

Ադրբեջանական Trend լրատվական գործակալության փոխանցմամբ՝ Ադրբեջանը Վրաստանին կապահովի տարեկան հավելյալ մինչև 500 միլիոն խորանարդ մետր գազի մատակարարմամբ։ Այս մասին հայտարարել է ադրբեջանական SOCAR-ի նախագահ Ռովնագ Աբդուլաևը: «Նախկինում մենք «Շահ Դենիզից» Վրաստանին մատակարարել ենք տարեկան մինչև 800 միլիոն խորանարդ մետր գազ։ Այժմ մենք պետք է մատակարարման ծավալն այդ ուղով հասցնենք մինչև 1.5 միլիարդի և ևս 1.5 միլիարդ խորանարդ մետրի այն գազատարով, որը երկու երկրները միմյանց կապում է Ղազախի շրջանում»,- ասել է նա։