ՔՊ-ականներից ովքե՞ր են մասնակցել Հովիկ Աղազարյանի կնոջ հոգեհանգստին. լուսանկարներ
«Հրապարակ» _ ը գրում է .
Մասիսի «Alla Luce» սգո սրահում ժամը 17։00-ից սկսվեց ԱԺ պատգամավոր Հովիկ Աղազարյանի կնոջ հոգեհանգիստը։ «Հրապարակ»-ի թղթակիցը մեկ ժամից ավելի այնտեղ է եղել ու ֆիքսել, թե իշխանականներից ովքեր են գալիս իրենց նախկին թիմակցին ցավակցելու։
Հոգեհանգստի արարողությանը եկան Վեդիի քաղաքապետպետ Գարիկ Սարգսյանը, Արարատի մարզպետ Սեդրակ Թեւոնյանը, Պետական գույքի կառավարման կոմիտեի նախագահ Առնակ Ավետիսյանը, ՔՊ-ական պատգամավորներ Անդրանիկ Քոչարյանը, Բաբկեն Թունյանը, Արմեն Խաչատրյանը եւ Լուսինե Բադալյանը, ինչպես նաեւ ՔՊ-ից հեռացված Հակոբ Ասլանյանը։ Հոգեհանգստին ներկա են եղել նաեւ Նարեկ Զեյնալյանը եւ Վահան Քերոբյանը։ Իշխանությանը մոտ կանգնած մեր աղբյուրն ասաց, որ ՔՊ-ում քննարկում է եղել` չգնալ Հովիկ Աղազարյանի կնոջ հոգեհանգստին։ Եթե անգամ նման որոշում էլ չլիներ, շատերն ուղղակի Նիկոլ Փաշինյանի ահից չէին համարձակվի անգամ ցավակցել նախկին թիմակցին։ Մենք նաեւ արձանագրել ենք, որ ծաղկեպսակ չի ուղարկվել ՔՊ-ի անունից։
Հիշեցնենք, որ Նիկոլ Փաշինյանը ցավակցական ուղերձ էր հղել ՀՀ երրորդ նախագահ Սերժ Սարգսյանի տիկնոջ Ռիտա Սարգսյանի մահվան կապակցությամբ, իսկ իր հետ երկար տարիների ճանապարհ անցած թիմակցի սուգն անգամ չի հարգում: Եվ ուսապարկերը անգամ սգի ժամանակ են առաջնորդի հրահանգով առաջնորդվում:
Հետևեք մեզ Viber-ում
