Փաշինյանը պատրաստվում է քրեական գործով պատժել Աղազարյանին, որպեսզի մյուս ՔՊ-ական պատգամավորներին վախի մթնոլոտի մեջ պահի

Երեկ հայտնի է դարձել, որ ԱԺ ՔՊ-ական պատգամավոր Հովիկ Աղազարյանին առնչվող գործով Հակակոռուպցիոն կոմիտեում քրեական վարույթ է նախաձեռնվել: Ընդ որում, այդ մասին տեղեկացնում է Փաշինյանին ընտանիքին պատկանող լրատվամիջոցը:

Վարույթը նախաձեռնվել էՀՀ քրեականօրենսգրքի 427-րդ հոդվածի 1-ինմասով (Պետական գաղտնիք պարունակող տեղեկություն հրապարակելը)։

Իսկ ավելի վաղ նույն թերթը տեղեկացել էր Գլխավորդատախազությունից, որ Հովիկ Աղազարյանի կողմից պետական գաղտնիք պարունակող տեղեկության արտահոսքեր կազմակերպելու հրապարակումը դատախազությունն ուղարկել էր ՀՀ հակակոռուպցիոն կոմիտե՝ քրեականվարույթ հարուցելուհարցը որոշելու համար։

Դրանից հետո էլ այս կառույցը նման որոշում էր կայացրել:

Գրեթե բոլոր համար էլ պարզ է, որ Հովիկ Աղազարյանի գործը «բացել է» կոնկրետ Նիկոլ Փաշինյանը, որի հորդորները, որոշ ժամանակ առաջ, հանձնել ԱԺ պատգամավորի մանդատը, մերժվել էր Աղազարյանի կողմից:

Վերջինս վախենում էր, որ մանդատից զրկվելուց հետո, չէր բացառվում , որ նա և իր ընտանիքի անդամները հայտնվեին քրեական մեղադրանքների տիրույթում:

Աղազարյանը կարծեց, որ «ատամներ» ցույց տալով, կկարողանա իրեն պաշտպանել:

Սակայն նա չհասկացավ, որ նման քայլով փաստացի կասկածի տակ է դնում Փաշինյանի կարողությունը՝ ազդել ՔՊ-ական պատգամավորի վրա:

Իսկ դա արդեն քաղաքական լրջագույն սպառնալիք կարող է լինել Փաշինյանի համար:

Ահա թե ինչու է Փաշինյանին անհրաժեշտ, որ Աղազարյանը պատժվի:

Սկզբնական փուլում, միգուցե, եթե Աղազարյանը համաձայնվեր և վայր դներ իր մանդատը, կկարողանար խուսափել պատժից: Սակայն այսօր, երբ հրապարակայնացվել է իր «ատամ ցույց տալու» մոտեցումը, Փաշինյանին արդեն ոչինչ չի մնում, քան հրապարակային ձևով պատժել Աղազարյանին:

Առայժմ ընտրվել է «Պետականգաղտնիքպարունակողտեղեկություն հայտնելու» հոդվածը: Չի բացառվում, որ այն լրացվի նոր մեղադրանքներով:

Համենայնդեպս, Աղազարյանի փաստաբան Հակոբ Ճարոյանը համոզված է, որ նոր տարուց հետո, Գլխավոր դատախազը գալու է ԱԺ և առաջարկելու է զրկել Աղազարյանին անձեռնմխելիությունից:

Իսկ ինչ վերաբերում է Աղազարյանի ապագա պատժաչափին, ապա դա, ամենայն հավանականությամբ կախված է լինելու այս գործնթացի զարգացման տրամաբանությունից:

Պարզ է մեկ բան. այն, որ Նիկոլ Փաշինյանի վարկանիշը գահավիժել է, և նա վախենում է, որ իր թիմում կարող են առաջանալ կենտրոնախույս գործնթացներ: Հենց դրա համար էլ նա հրապարակավ փորձում է պատժել Աղազարյանին, որպեսզի կարողանա կանխել այդ կենտրոնախույս գործնթացները իր թիմում:

Հակառակ դեպքում, Աղազարյանի օրինակը, երբ նա հանդգնեց չկատարել Փաշինյանի պահանջը, այս պայմաններում կարող է փլուզել նաև Փաշինյանի վարկանիշը նույնիսկ իր թիմակիցների շարքում:

Սա է իրականությունը:

Դավիթ Մկրտչյան

Աղբյուրը` Zham.am