Քաղաքակիրթ աշխարհը լուռ հետեւում էր

Քաղաքակիրթ աշխարհը լուռ հետեւում էր, թե ինչպես է բնաջնջվում Սումգայիթ քաղաքի հայ բնակչությունը։ Այս մասին փետրվարի 29-ին կայացած մամուլի ասուլիսին ասել է Ադրբեջանի ԽՍՀ-ից փախստականների համագումարի նախագահության անդամ Մարիամ Ավագյանը։ Նրա խոսքով՝ 1988թ. փետրվարի 27-28-ը Սումգայիթում կատարվածն աննկարագրելի է։ «Քաղաքակիրթ աշխարհը լուռ հետեւում էր, թե ինչպես է թուրքը բնաջնջում հային։ Դա վկայում է այն մասին, որ հայերի նկատմամբ աշխարհի ֆաշիստական վերաբերմունքը չի փոխվել։ Հակառակ դեպքում ինչպե՞ս բացատրել ԵԽԽՎ-ում Սարսանգի ջրամբարի մասին վերջին փաստաթուղթը,- հարցադրում է արել Ավագյանը եւ շարունակել,- ինչու՞ էր աշխարհը լուռ հետեւում, թե ինչպես է Ադրբեջանը պետական մակարդակով Սաֆարովի միջոցով հայերի նկատմամաբ ահաբեկչություն իրականացնում։ Նույն այդ քաղաքակիրթ աշխարհը լուռ հետեւում էր, թե ինչպես են Նախիջեւանում ոչնչացվում հայկական պատմական հուշարձանները»,- հավելել է Մարիամ Ավագյանը։ 1988 թվականի փետրվարի 27-29-ի սումգայիթյան ջարդերը, որի մասին Ադրբեջանում լռում են, ադրբեջանական նեոֆաշիզմի առաջին ծիծեռնակներն էին, որոնց հետեւեցին Կիրովաբադի եւ Բաքվի ջարդերը, Շահումյանի շրջանի ամբողջ բնակչության արտաքսմանը, պատերազմի հրահրմանը՝ ի պատասխան Լեռնային Ղարաբաղի ժողովրդի՝ ինքնորոշման իրավունքի իրացման պահանջի