Մոգերինին Ադրբեջանում է
Արտաքին հարաբերությունների և անվտանգության քաղաքականության հարցերով ԵՄ հանձնակատար Ֆեդերիկա Մոգերինին ժամանել է Ադրբեջան: Այս մասին հայտնում է ադրբեջանական ԱՊԱ գործակալությունը: Մոգերինին հանդիպումներ կունենա Ադրբեջանի մի շարք պաշտոնատար անձանց, այդ թվում արտգործնախարար Էլմար Մամեդյարովի հետ: Բաքվում ԵՄ բարձր ներկայացուցիչն էներգետիկայի հարցով ԵՄ փոխնախագահի հետ կմասնակցի նաև «Հարավային գազային միջանցք» նախագծի գծով Խորհրդատվական խորհրդի նախարարների նիստին: Մարտի 1-ին Մոգերինին կայցելի Հայաստան, որտեղ կհանդիպի նախագահ Սերժ Սարգսյանի և արտգործնախարար Էդվարդ Նալբանդյանի, խորհրդարանում ներկայացված մի շարք քաղաքական կուսակցությունների և քաղաքացիական հասարակության ներկայացուցիչների հետ:
Հետևեք մեզ Viber-ում
