Բախվել են ոստիկանության «հրեշտակների» աշխատակցի BMW-ն և Mercedes-ը. կան վիրավորներ. ՖՈՏՈՌԵՊՈՐՏԱԺ

Երեկ` փետրվարի 28-ին, խոշոր ավտովթար է տեղի ունեցել Երևանում: Ժամը 18:40-ի սահմաններում Անդրանիկի փողոցում` թիվ 57 հասցեի դիմաց, բախվել են Երևան քաղաքի Սվաճյան փողոցի բնակիչ, 36-ամյա Լևոն Մզրուխյանի վարած BMW մակնիշի 45 VV 040 համարանիշի և Երևան քաղաքի Անդրանիկի փողոցի բնակիչ, 49-ամյա Տիգրան Փիրոյանի վարած Mercedes մակնիշի 97 RT 777 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Mercedes-ի վարորդ Տ, Փիրոյանն ու BMW-ի ուղևոր, Երևան քաղաքի Քանաքեռ ՀԷԿ 11 շենքի բնակիչ, 25-ամյա Արսեն Կարապետյանը մարմնական վնասվածքներով տեղափոխվել են` Տ. Փիրոյանը Արամյանց բժշկական կենտրոն, իսկ Ա.Կարապետյանը` Աստղիկ բժշկական կենտրոն: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները` Հայաստանի քննչական կոմիտեի Երևանի քննչական վարչության ավագ քննիչ Գոռ Թադևոսյանի գլխավորությամբ, ում կողմից փաստի առթիվ նյութեր են նախապատրաստվում: Քննիչի հանձնարարականով մեքենաները տեղափոխվել են Երևանի ՃՈ պահպանվող հատուկ տարածք: Ֆոտոլրագրողի տեղեկություններով` վարորդներից Լ. Մզրուխյանը աշխատում է ոստիկանության Երևան քաղաքի վարչության 4-րդ հատուկ գումարտակում (հրեշտակների խումբ) որպես ավագ ոստիկան, իսկ Տ. Փիրոյանը անհատ ձեռներեց է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները` Գագիկ Շամշյանի