Վորկուտայի փլուզված հանքահորում ստեղծված իրավիճակը անհամատեղելի է մարդկային կյանքի հետ

Ռուսաստանի ԱԻՆ ղեկավար Վլադիմիր Պուչկովը հայտարարել է, որ Վորկուտայի «Հյուսիսային» հանքահորի պայթյունի հետևանքով առաջացած պայմանները թույլ չեն տալիս հուսալ, որ հանքագորում մնացած մարդիկ կարող էին ողջ մնալ, հաղորդում է ТАСС-ը:  «Մենք ստիպված ենք հաստատել, որ վթարային հատվածում ստեղծված իրավիճակը անհամատեղելի է մարդու կյանքի հետ»,- ասել է նախարարը: Պուչկովի խոսքով` տվյալները ցույց են տալիս, որ ստորգետնյա այդ տարածքում, որտեղ 26 հանքափոր է եղել, բարձր ջերմաստիճանային պայմաններ են ստեղծվել և թթվածին չկա: «Երրորդ պայթյունը տեղի է ունեցել հենց այդ հնքահորում»,- հավելել է Պուչկովը: Հիշեցնենք, որ անցյալ հնգշաբթի Վորկուտայի հանքավայրում պայթյունների հետևանքով հրդեհներ էին բռնկվել և տեղի էին ունեցել խոշոր փլուզումներ: Հանքահորերում այդ պահին 110 մարդ է եղել: 80-ին հաջողվել է դուրս գա, մակերես: Մահացած էր համարվում 3 մարդ, իսկ 26-ի ճակադագիրը մինչ այս անհայտ էր: Կոմիի Հանրապետությունում զոհված հանքափորների հիշատակին եռօրյա սուգ է հայտարարվել: