Թուրքիայում ոստիկանությունը գործի է դրել ջրցանները

Շաբաթ օրը՝ փետրվարի 27-ին, Թուրքիայի ոստիկանությունը ջրցաններ և արցունքաբեր գազ է օգտագործել հիմնականում քրդաբնակ Դիարբեքիրում հազարվավոր ցուցարարների ցրելու համար, գրում է correspondent.net-ը: Ցուցարարները բողոքել են 2015-ի դեկտեմբերի 2-ից Դիարբեքիրի Սուր պատմական շրջանում գործող պարեկային ժամի և տարածաշրջանում անցկացվող ռազմական գործողությունների դեմ: Պարեկային ժամի սահմանումն իշխանությունները բացատրել են Քուրդիստանի աշխատավորական կուսակցության (ՔԱԿ) դեմ ռազմական գործողությունների շրջանում անվտանգության ապահովման անհրաժեշտությամբ: Դիարբեքիրի կենտրոնում քրդամետ ցուցարարների անցկացրած բողոքի ակցիան սկզբում խաղաղ է ընթացել, սակայն հետո այն վերածվել է ոստիկանության հետ բախումների, և իրավապահները հատուկ միջոցառումների են անցել: