Դյումինը պատմել է, թե ինչպես է փրկել ՌԴ նախագահին արջից

Տուլայի շրջանի նահանգապետի ժամանակավոր պաշտոնակատար Ալեքսեյ Դյումինը հարցազրույցում պատմել է, թե ինչպես է փրկել ՌԴ նախագահ Վլադիմիր Պուտինին արջից: «Դա շատ հեռու մի օբյեկտ էր՝ լեռներում, և գիշերը ես հերթապահում էի տանը: Նախագահն արդեն հանգստանում էր, երբ կայանից ինձ ասացին, որ առջը մուտքի մոտ է: Սկզբում մտածեցի, թե ինչ-որ մեկը կատակում է, մոտեցա դռանը և տեսա, որ իմ առջև բավականին մեծ արջ է կանգնած: Իսկ դռներն ապակյա էին: Ես, իհարկե, զինված եմ, վերևում նախագահն է ... Արջուկի հետ նայեցինք իրար աչքերի մեջ, նա մի փոքր նահանջեց ... Ես բացեցի դուռը և կրակ բացեցի», - ասել է Դյումինը: Նրա խոսքով՝ «արջուկը շատ ողջամիտ գտնվեց», և հեռացավ նախագահական նստավայրից: Առավոտյան՝ իմանալով միջադեպի մասին, Պուտինը գովել է Դյումինին այն բանի համար, որ նա չի կրակել կենդանու վրա: