Իսրայելը դիտարկում է Իրանին կանխիչ հարված հասցնելու հնարավորությունը

Իսրայելի ղեկավարությունը դիտարկում է Իրանի դեմ կանխարգելիչ հարված հասցնելու հնարավորությունը, եթե Թեհրանի հարձակումն անխուսափելի լինի։ Այս մասին հայտնում է The Times of Israel թերթը։

Պարբերականը գրում է, որ օգոստոսի 4-ի երեկոյան Իսրայելի վարչապետ Բենիամին Նեթանյահուն հանդիպում է ունեցել բանակի և հետախուզական ծառայությունների ղեկավարության հետ։ Հանդիպման մասնակիցների թվում էին պաշտպանության նախարար Յոավ Գալանտը, Իսրայելի բանակի գլխավոր շտաբի պետ Հերզի Հալևին, Մոսադի հետախուզության պետ Դեյվիդ Բարնեան և Գլխավոր անվտանգության ծառայության (հակհետախուզության) ղեկավար Ռոնեն Բարը։